Deputeti i Frontit Europian, Blerim Bexheti në emisionin Klan Debat në Klan Macedonia tha se Fronti Europian po mbron gjuhën shqipe pas ideve paralajmëruese nga kryeministri i vendit, Hristijan Mickoski, që tashmë pritet të zbatohen nga Gjykata Kushtetuese.
“Kryeministri i vendit, pa legjitimitet etnik paralajmëroi abrogimin e neneve për gjuhën shqipe. Në vazhdimësi po ndodh kjo, edhe pas heqjes së balancuesit! Ndaj ne si Front Europian e kemi si obligim që të reagojmë ndaj çdo çështje shqitare që tangon çdo shqiptar. Protestojmë para Gjykatës Kushtetuese sepse ato e kanë një konsesus në këtë narrative anti-shqiptar, ndaj edhe në përmes mjeteve demokratike po mudohemi të mbrojmë gjuhën shqipe”,tha Bexheti.
Bexheti tha se VLEN po bën dezinformim kur thotë që nuk rrezikohet ligji, pasi po të njejtët siç tha ai e keqinformuan edhe kryeministrin e Kosovës, Albin Kurtin duke e bërë pjesë të kësaj situate.
Ai për deklaratat e Mickoskit tha se i njejti po sillet si të jetë pronar i Gjykatës Kushtetuese, duke u tallur me interesat shqiptare.
