Kryetari i Bashkimit Demokratik për Integrim, Ali Ahmeti, ka uruar Omer Memedin për suksesin e arritur në Kampionatin Ballkanik të Mundjes, ku ai u shpall kampion ballkanik në kategorinë deri në 97 kilogramë, në garat e zhvilluara në Koprivnicë të Kroacisë.
Ahmeti ka shprehur krenarinë për këtë arritje të rëndësishme sportive, duke i dëshiruar Memedit suksese të mëtejshme në karrierën e tij sportive.
Ai ka theksuar gjithashtu rëndësinë e mbështetjes së vazhdueshme ndaj sportistëve, përmes të gjitha mekanizmave dhe formave institucionale, duke vlerësuar se sukseset e tyre përbëjnë krenari të përbashkët dhe investim në të ardhmen.
Arritja e Omer Memedit në arenën ballkanike përbën një moment krenarie dhe një dëshmi të përkushtimit, punës dhe potencialit të sportistëve tanë.
Ja postimi plotë:
Urime Omer Memedit për titullin e kampionit ballkanik në mundje, në kategorinë 97 kg, të fituar në Koprivnicë të Kroacisë!
Suksese të mëtejshme Omerit, i cili me këtë arritje na bën krenarë të gjithëve. Mbështetja për sportistët tanë do të jetë e vazhdueshme, përmes të gjitha mekanizmave dhe formave institucionale, sepse suksesi i tyre është krenari e përbashkët dhe investim në të ardhmen tonë.
