Sot, Kryetari i Bashkimi Demokratik për Integrim, Ali Ahmeti, priti në takim znj. Jetmira Rexhepi-Lika nga Kaçaniku.
Gjatë takimit u diskutua për rëndësinë e ruajtjes së vlerave kombëtare dhe familjare, si dhe për rolin e tyre në forcimin e shoqërisë dhe perspektivës së brezave të rinj.
Ali Ahmeti vlerësoi angazhimin dhe përkushtimin në promovimin e këtyre vlerave, duke theksuar rëndësinë e unitetit dhe përgjegjësisë shoqërore në ndërtimin e së ardhmes.
Ja postimi plotë:
Sot pata kënaqësinë të takoj zonjën Jetmira Rexhepi-Lika nga Kaçaniku, një personalitet i formuar në frymën atdhedashëse të Kosovës dhe me vizion të qartë për të ardhmen e shtetit dhe kombit tonë.
Bisedat me njerëz që ruajnë me përkushtim vlerat kombëtare dhe familjare janë gjithmonë dëshmi se e ardhmja ndërtohet mbi vetëdije, përgjegjësi dhe dashuri për atdheun.
