Kryetari i Bashkimit Demokratik për Integrim, Ali Ahmeti, me ftesë të Sh.T.Z. Ola Solström dhe Sh.T.Z. Paolo Palminteri, mori pjesë në pritjet e organizuara me rastin e ditëve nacionale të Mbretërisë së Suedisë dhe Republikës së Italisë.
Me këtë rast, Ahmeti përcolli urimet e tij për qytetarët e të dy vendeve mike dhe partnere të Republikës së Maqedonisë së Veriut, duke shprehur mirënjohjen për mbështetjen e vazhdueshme që Suedia dhe Italia i kanë dhënë vendit në proceset demokratike, integruese dhe zhvillimore.
Ai vlerësoi rolin e rëndësishëm të këtyre dy shteteve në përkrahjen e aspiratave evropiane të Maqedonisë së Veriut dhe theksoi rëndësinë e forcimit të mëtejshëm të marrëdhënieve të bashkëpunimit dhe miqësisë ndërmjet vendeve.
Pritjet u zhvilluan në frymën e miqësisë dhe partneritetit të ndërsjellë, duke riafirmuar përkushtimin e përbashkët për avancimin e vlerave demokratike, bashkëpunimit rajonal dhe integrimit evropian.
Ja postimi plotë:
Me ftesë të Sh.T.Z. Ola Solström dhe Sh.T.Z. Paolo Palminteri, pata kënaqësinë të marr pjesë në pritjet e organizuara me rastin e ditëve nacionale të dy vendeve mike dhe partnere të Republikës së Maqedonisë së Veriut në rrugëtimin e saj evropian, Mbretërisë së Suedisë dhe Republikës së Italisë.
Me këtë rast, përcolla urimet e mia për qytetarët e këtyre dy shteteve, duke vlerësuar mbështetjen e vazhdueshme që Suedia dhe Italia i kanë dhënë vendit tonë në proceset demokratike, integruese dhe zhvillimore.
