Presidenti turk Tajip Erdogan tha se misionet perëndimore do të “paguanin” për lëshimin e paralajmërimeve të sigurisë dhe mbylljen e përkohshme të konsullatave në Turqi javën e kaluar.
Ndërsa policia tha se nuk kishte kërcënim serioz për të huajt pasi arrestoi 15 të dyshuar të Shtetit Islamik të dielën.
Ankaraja thirri ambasadorët e nëntë vendeve të enjten për të kritikuar vendimet e tyre për mbylljen e përkohshme të misioneve diplomatike dhe lëshimin e alarmeve të sigurisë.
Zyrtarët turq thanë të nesërmen se vendet perëndimore, përfshirë Shtetet e Bashkuara dhe Gjermaninë, nuk kishin ndarë informacione për të mbështetur pretendimet e tyre për një kërcënim të sigurisë.
Turqia pezulloi negociatat për pranimin e Suedisë dhe Finlandës në NATO muajin e kaluar pas një proteste në Stokholm gjatë së cilës u dogj një kopje e Kuranit.
Më herët të dielën, policia tha se nuk kishte gjetur prova të ndonjë kërcënimi konkret ndaj të huajve në ndalimet e 15 të dyshuarve të Shtetit Islamik të akuzuar se kishin shënjestruar konsullatat dhe shtëpitë e adhurimit jo-muslimanë, raporton Reuters.
