Koordinatorja e Grupit Parlamentar të Bashkimi Demokratik për Integrim, Rina Ajdari, zhvilloi një takim të rëndësishëm me udhëheqjen e Swiss Agency for Development and Cooperation (SDC).
Në takim morën pjesë Christian Frutiger, Severin Donne-Descartes dhe Lucas Ruttimann, me të cilët u diskutua për thellimin e bashkëpunimit, mbështetjen e proceseve demokratike, si dhe avancimin e standardeve dhe integritetit parlamentar.
Gjatë takimit u vlerësua roli i SDC-së si partner i rëndësishëm dhe mbështetës i proceseve reformuese, zhvillimit institucional dhe forcimit të kapaciteteve demokratike në vend.
Ja postimi plotë:
Një tjetër takim i vlefshëm me udhëheqjen e Agjencisë Zvicerane për Zhvillim dhe Bashkëpunim (SDC).
Me z.Christian Frutiger, zëvendësdrejtor dhe drejtor i Departamentit të Bashkëpunimit, znj. Severin Donne-Descartes, Drejtore e Departamentit të Evropës Lindore dhe z. Lucas Ruttimann, menaxher i programit, diskutuam thellimin e bashkëpunimit, mbështetjen e proceseve demokratike dhe avancimin e standardeve dhe integritetit parlamentar.
Një partner i rëndësishëm dhe mbështetës i sinqertë i proceseve reformuese, zhvillimit institucional dhe kapacitetit demokratik të vendit tonë.
