Myftiu i Tetovës, Dr. Selver ef. Xhemaili, mori pjesë në ekspozitën “Artet e Bukura” dhe në manifestimin “Muhamedi a.s. – simbol i njerëzimit”, të organizuar nga Medreseja Isa Beu – Paralelja e Vajzave në Tetovë
Në cilësinë e nikoqirit, më 5 maj 2026, Myftiu i Tetovës, Dr. Selver ef. Xhemaili, së bashku me koordinatorin e Medresesë, paraleles së vajzave në Tetovë, Dr. Beqir Memeti, dhe stafin e profesoreshave, pritën delegacionin e lartë të Bashkësisë Fetare Islame, të udhëhequr nga Reisul Ulema, H. Hfz. Shaqir ef. Fetahi, me rastin e ekspizitës dhe manifestimit kushtuar Muhamedit a.s. Ky aktivitet u nderua edhe me pjesëmarrjen e myftinjve nga qytete të ndryshme: Myftiu i Shkupit, Dr. Qenan Ismaili, Myftiu i Gostivarit, H. Sabahudin Zendeli, Myftiu i Shtipit, Mr. Nasir Rexhepi, Myftiu i Strugës, H. Adi ef. Murtishi dhe Myftiu i Ohrit, H. Samet Ajdari, si dhe drejtorët e Rijasetit dhe Sekretari i FSHI-së, Mr. Naim Misimi. Në emër të drejtorit të Medresesë, Dr. Islam Islami, i pranishëm ishte edhe udhëheqësi i paraleles, Hfz. Mervan Muhamedi.
Manifestimin e nderoi me praninë e saj edhe znj. Sevim Veseli Berzati, koordinatore e Kabinetit të Kryetarit të Komunës së Tetovës, z. Bilall Kasami, si dhe një numër i madh besimtarësh dhe qytetarësh.
Me këtë rast, Myftiu në fjalën e tij përshëndeti punën dhe përkushtimin e nxënëseve, duke theksuar rëndësinë e artit si një formë shprehjeje dhe zhvillimi të talenteve të tyre. Ai vlerësoi lart angazhimin e stafit edukativ në përkrahjen e këtyre aktiviteteve.
Programi përfshiu prezantime të ndryshme artistike të përgatitura nga nxënëset e medresesë, ndërsa manifestimi “Muhamedi a.s. – simbol i njerëzimit” u përmbyll me një program të begatë.
