Mbrëmjen e sotme, në Vicë, u mbajt kuvendi i nëndegës së Bashkimit Demokratik për Integrim (BDI), në një atmosferë mobilizuese dhe me pjesëmarrje të gjerë të qytetarëve, ku u dëgjua fuqishëm zëri i Malësisë së Tetovës.
Gjatë këtij takimi u theksua përkushtimi për rritjen dhe fuqizimin e strukturave partiake, përmes përfshirjes së kuadrove të reja, entuziaste dhe të kualifikuara, si garanci për zhvillim dhe përfaqësim më dinjitoz.
Në kuadër të kuvendit, me votë unanime, kryetar i nëndegës së Vicës u zgjodh Xhafer Iseni, inxhinier i bujqësisë dhe magjistrant në këtë fushë në Universitetin “Shën Kirili dhe Metodi” në Shkup.
Kryetari i Degës së BDI-së në Tetovë, Bajram Rexhepi, theksoi se ky organizim dëshmon për vazhdimin e konsolidimit të partisë me hapa të sigurt, duke ndërtuar një frymë të re dhe vizion të qartë për të ardhmen.
BDI mbetet e përkushtuar në ndërtimin e strukturave të forta dhe përfaqësimin e interesave të qytetarëve, duke e orientuar veprimtarinë e saj drejt sfidave dhe zhvillimeve të kohës.
