Filantropi i njohur Lazim Destani ka shprehur ngushëllimet dhe vlerësimet e tij për mikun e madh të shqiptarëve, kongresistin amerikan Eliot Engel, duke e cilësuar atë si një mbështetës të palëkundur të çështjes shqiptare.
Destani theksoi se marrëdhënia me Engel kishte një histori të gjatë ndër dekada, e ndërtuar mbi respekt dhe bashkëpunim të ndërsjellë. “E kemi vizituar dhe na ka vizituar, dhe gjithmonë ishte mbresëlënëse njohuria e tij e gjerë për trungun dhe rrënjët shqiptare,” shprehet ai.
Sipas tij, ndikimi i Engel ka qenë i jashtëzakonshëm dhe gjurmët e tij do të mbeten të përhershme për shqiptarët kudo që ndodhen. Ai shtoi se mungesa e tij do të ndihet thellë në përfaqësimin dhe mbështetjen e kauzës shqiptare në arenën ndërkombëtare.
Megjithatë, Destani vlerëson se trashëgimia e lënë nga Engel do të vazhdojë të jetojë në histori dhe në veprat që ai ka mbështetur ndër vite.
Në fund të mesazhit të tij, Lazim Destani shpreh mirënjohje të thellë: “Faleminderit, miku ynë i shquar, dhe qofsh i parajsës.”
Ja postimi plotë:
Mikun tim, Kongresistin Eliot Engel, por edhe mik i gjithë shqiptarëve, e njihja prej dekadash. E kemi vizituar dhe na ka vizituar, dhe gjithmonë ishte mbresëlënëse njohuria e tij e gjerë për trungun dhe rrënjët shqiptare.
Ndikimi i tij është i madh dhe gjurmët e tij mbeten të përhershme për ne si shqiptarë. Pa dyshim do t’i mungojë shumë kauzës shqiptare në botë, por trashëgimia që ka lënë do të jetojë gjithmonë në histori dhe në vepër.
Faleminderit, miku ynë i shquar, dhe qofsh i parajsës.