Në Tetovë u mbajt Kuvendi zgjedhor i nëndegës “Servet Hajredini”, në kuadër të BDI – Dega Tetovë, me pjesëmarrjen e kryetarit të degës, Bajram Rexhepi.
Gjatë këtij kuvendi, me votën e delegatëve për kryetare të nëndegës u zgjodh Gëzime Hajredini, inxhinjere e diplomuar e biologjisë dhe biokimiste.
Kryetari i Degës së BDI-së në Tetovë, Bajram Rexhepi, përshëndeti punimet e kuvendit dhe theksoi rëndësinë e fuqizimit të gruas në jetën shoqërore dhe politike, duke vlerësuar se angazhimi dhe përkushtimi i grave kontribuon në forcimin e strukturave dhe në rritjen e përfaqësimit në proceset vendimmarrëse.
Ai i uroi suksese kryetares së sapozgjedhur në ushtrimin e detyrës së saj, duke theksuar se përfshirja aktive e grave është një vlerë e rëndësishme për zhvillimin e komunitetit dhe shoqërisë në përgjithësi.
