Mbledhje konstituive – SHTIP
Sot, 5 shkurt (e enjte), me ftesë të Muftiut të Shtipit, Mr. Nasir ef. Rexhepi, Kryetari i Bashkësisë Fetare Islame të RMV-së, Reisul Ulema H. Hfz. Shaqir ef. Fetai, i shoqëruar nga drejtori i sektorit fetaro-arsimor, Mr. Hfz. Fejzulla Sadiki, mori pjesë në mbledhjen konstituive të Muftinisë së BFI – Shtip.
Në prezencë të Reisul Ulema H. Hfz. Shaqir ef. Fetai dhe përbërjes së re të anëtarëve të Muftinisë, në mënyrë solemne, nga ana e Reisul Ulemasë dhe Muftiut, u dorëzua vendimi për mandatin katërvjeçar të ardhshëm, i verifikuar nga Komisioni Qendror Zgjedhor.
Pas dorëzimit të vendimeve, Reisul Ulema H. Hfz. Shaqir ef. Fetai, fillimisht uroi Muftiun Rexhepi për organizimin dhe mbarëvajtjen e suksesshme të procesit zgjedhor, si dhe anëtarët e rinj për besimin e fituar nga votuesit, duke apostrofuar se kjo zgjedhje, aq sa është krenari, po aq është edhe përgjegjësi dhe emanet institucional.
Në fund, Reisul Ulema u dëshiroi sukses dhe shëndet të gjithë të pranishmëve, duke bërë thirrje për unitet, harmoni dhe bashkëpunim në të mirë të Islamit, Bashkësisë Fetare Islame, Muftinisë së Shtipit dhe besimtarëve në përgjithësi.
Allahu ju bekoftë!
