Partia maqedonase në opozitë LSDM, thotë se Qeveria pranoi se nuk ka paraqitur kërkesë të re për ekstradim për ish-kryeministrin e dënuar, Nikolla Gruevski.
Nga LSDM thonë se “ky pranim është një konfirmim i drejtpërdrejtë i gjithçkaje që ata kanë thënë”.
“Pranimi shkatërron çdo justifikim që ata kanë dhe zbulon lidhjen e vërtetë midis OBRM-PDUKM-së dhe Nikola Gruevskit. Qeveria e Mickoskit është kapur nga një i arratisur nga drejtësia, i cili dikton nga një vend i huaj se çfarë duhet të ndodhë në Maqedoni. Nga Budapesti, Nikola Gruevski është qendra e vërtetë e vendimmarrjes në OBRM-PDUKM, Mickoski është vetëm ekzekutori i tij”.
“Kjo është e dukshme edhe në hapat politikë që ai ka ndërmarrë, abuzimin e institucioneve shtetërore për qëllime partiake, abuzimin e policisë, ASK, DAP, inspektimet. Sulm ndaj institucioneve të pavarura, persekutim politik të opozitës, izolim ndërkombëtar, reforma të bllokuara, reduktim të lirisë së medias. Një kopje e matricës së mentorit të tyre Nikola Gruevski”, thonë nga LSDM.
