Sot, në Myftininë e Tetovës, Myftiu i Tetovës, Dr. Selver ef. Xhemaili, priti në një vizitë mirësjelljeje Koordinatorin e Fondacionit Hayrat për Ballkan, z. Emre Aracı. Gjatë kësaj vizite, Fondacioni Hayrat dhuroi 400 ekzemplarë të Kur’anit të shenjtë, duke ofruar një kontribut të rëndësishëm në përmbushjen e nevojave të nxënësve dhe kursantëve të Myftinisë.
Myftiu Dr. Selver ef. Xhemaili vlerësoi lartë këtë iniciativë dhe theksoi se dhurata e Fondacionit Hayrat ka një rëndësi të veçantë për arsimin fetar dhe përkushtimin në shërbim të librit të shenjtë. Ai nënvizoi se një mbështetje e tillë ndihmon në forcimin e aktiviteteve arsimore dhe në krijimin e kushteve më të mira për nxënësit.
Gjatë takimit u riafirmua rëndësia e vazhdimit të bashkëpunimit mes Myftinisë së Tetovës dhe Fondacionit Hayrat, sidomos në fushën e edukimit dhe projekteve të përbashkëta.
Myftiu Dr. Selver ef. Xhemaili shprehu falënderime të sinqerta ndaj Fondacionit Hayrat dhe z. Emre Aracı për mbështetjen, besimin dhe bashkëpunimin e ofruar.
