Më 19.11.2025, Reisul Ulema H. Hfz. Shaqir ef. Fetai bashkë me stafin e Rijasetit vizitoi familjen Azizi në fshatin Mateç për t’i shprehur ngushëllimet e tij Imam Enver ef. Azizit, me rastin e ndarjes nga jeta të babait të tij.
Reisul Ulema, në emër të Bashkësisë Fetare Islame dhe në emrin e tij personal, shprehu ngushëllimet më të sinqerta, duke i dëshiruar familjes durim të palëkundur, ndërsa të ndjerit i uroi që Allahu ta mëshirojë dhe ta shpërblejë me xhennetin e amshueshëm.
Ai theksoi se ngushëllimi është obligim fetar dhe institucional, veçanërisht kur bëhet fjalë për një imam të përkushtuar si Hoxhë Enver ef. Azizi, i cili me devotshmëri e përgjegjësi kryen misionin e shenjtë të imamit dhe njëkohësisht është anëtar i Kuvendit të Bashkësisë Fetare Islame.
Njëherit, Reisul Ulema shprehu falënderime për prezencën e Kryetarit të Komunës së Likovës, z. Erkan Arifi, si dhe referentëve të Myftinisë së Kumanovës, H. Abdulhamit Fejzuli dhe Umej Fejzuli.
Zoti i bekoftë!
