Deputetja e Bdi-së, Rina Ajdari ka marrë zyrtarisht detyrën e koordinatores së grupit parlamentar të Frontit Europian. Lajmin e ka bërë të ditur vetë ajo, duke falënderuar Kryetarin e Bashkimit Demokratik për Integrim, Ali Ahmeti, si dhe kryesinë qendrore për besimin e dhënë.
Ajdari ka shprehur mirënjohje edhe për kolegët deputetë, duke vlerësuar mbështetjen dhe bashkëpunimin konstruktiv brenda grupit parlamentar.
Ajo theksoi se angazhimi i saj dhe i Frontit Europian do të vazhdojë me përgjegjësi e përkushtim, me synim përmbushjen e misionit politik të kësaj përbërjeje.
“Do të vazhdojmë punën me përgjegjësi dhe përkushtim për të përmbushur misionin e Frontit Europian,” deklaroi Ajdari.
Ja postimi plotë:
Të nderuar qytetarë,
Ashtu siç u paralajmërua më herët, nga sot edhe zyrtarisht mbaj detyrën e koordinatores së grupit parlamentar të Frontit Europian.
Falemnderoj Kryetarin e Bashkimit Demokratik për Integrim z. Ali Ahmeti dhe kryesinë qendrore për besimin e dhënë si dhe kolegët deputetë për mbështetjen e vazhdueshme dhe bashkëpunimin konstruktiv.
Do të vazhdojmë punën me përgjegjësi dhe përkushtim për të përmbushur misionin e Frontit Europian.
Me respekt,
Rina Ajdari
