Përfaqësues të Organizatës së Veteranëve të Luftës (OVL) të ish-UÇK-së zhvilluan sot një takim me z. Ali Ahmeti, një nga themeluesit e ish-Ushtrisë Çlirimtare dhe lider i shqiptarëve në Maqedoninë e Veriut.
Në takim u diskutua mbi zhvillimet aktuale dhe çështjet që, sipas organizatorëve, lidhen me trajtimin e padrejtësisë ndaj qytetarëve dhe ish-pjesëtarëve të luftës. Palët u dakorduan që protesta e radhës, e paralajmëruar nga OVL-UÇK, të mbahet në Shkup.
Sipas organizatës, protesta synon të shprehë shqetësimet publike dhe të nxisë institucionet kompetente të adresojnë kërkesat e tyre në mënyrë transparente dhe ligjore.