Kryetari i Bashkimit Demokratik për Integrim, Ali Ahmeti priti sot në takim Ambasadorin e Republikës së Çekisë në Shkup, z. Jaroslav Ludva. Takimi u zhvillua në një atmosferë miqësore, ku u diskutua mbi zhvillimet aktuale politike në vend dhe mbi procesin e integrimit europian të Maqedonisë së Veriut.
Gjatë bisedës, u theksua se anëtarësimi në Bashkimin Europian mbetet një prioritet i panegociueshëm për BDI-në dhe për shqiptarët në vend. Palët vlerësuan gjithashtu rolin shtetformues që BDI ka pasur në të gjitha proceset politike ndër vite.
U theksua se integrimi europian përfaqëson investimin më të rëndësishëm për të ardhmen e vendit, duke sjellë stabilitet politik, rritje ekonomike dhe institucione më funksionale në shërbim të qytetarëve.
