Këshilltari i Qytetit të Shkupit nga radhët e Aleancës Kombëtare për Integrim (AKI), Abdulselam Selami, në seancën e parë të mbajtur, dëshmoi angazhimin dhe seriozitetin për të përfaqësuar qytetarët me dinjitet dhe zë të fuqishëm.
Pas reagimit të grupit të këshilltarëve të AKI-së, certifikatat për mandatin e këshilltarëve janë korrigjuar dhe tashmë janë lëshuar në dy gjuhë, siç e përcakton Ligji për përdorimin e gjuhëve.
“Zëri i qytetarëve tanë do të dëgjohet fuqishëm në institucionet e qytetit. Përfaqësimi me dinjitet nuk është vetëm premtim, por obligim ndaj atyre që na besuan,” deklaroi Selami.
Ky është vetëm fillimi i një mandati që synon respektimin e ligjit, barazinë gjuhësore dhe fuqizimin e përfaqësimit qytetar në çdo vendim të rëndësishëm për Shkupin.