Myftinia e Tetovës shpreh falënderime të sinqerta për z. Artan Ajruli për dhurimin e një printeri, i cili do të jetë në shërbim të zyrave të Myftinisë dhe punës së saj administrative. Ky donacion u realizua nëpërmjet Rijasetit të Bashkësisë Fetare Islame në RMV, në bashkëpunim me Drejtorin për Marrëdhënie me Botën Arabe, Ismet ef. Ademi, i cili mundësoi dhe organizoi këtë dhurim me vlerë për administratën e Myftinisë sonë.
Donacioni u pranua nga Myftiu i Tetovës, Dr. Selver ef. Xhemaili, i cili shprehu mirënjohjen dhe vlerësimin e tij për këtë kontribut të dobishëm në mbështetje të punës institucionale dhe efikasitetit administrativ, sidomos ndaj z.Artan Ajruli për këtë gjest fisnik.
Myftinia e BFI Tetovë shpreh gjithashtu mirënjohje të veçantë për Reisul Ulema-n, H. Hfz. Shaqir ef. Fetahi, për mbështetjen e vazhdueshme që i jep institucioneve të Bashkësisë Fetare Islame, duke forcuar bashkëpunimin ndërmjet drejtorive dhe myftinive, veçanërisht në realizimin e projekteve dhe nevojave institucionale të Myftinisë së Tetovës.
