Në një atmosferë të ngrohtë dhe mobilizuese, sonte në Kumanovë pritet të mbahet një tubim i rëndësishëm politik, me pjesëmarrje të gjerë të qytetarëve, simpatizantëve dhe përfaqësuesve të lartë të Aleancës Kombëtare për Integrim.
Në këtë ngjarje do të marrë pjesë edhe lideri i shqiptarëve, Ali Ahmeti, i cili do të përcjellë mesazhin kryesor të fushatës: shqiptarët vet i zgjedhin përfaqësuesit e tyre.
“Sonte Kumanova do ta dërgojë një porosi të qartë – përfaqësuesit e shqiptarëve i zgjedhin vetë shqiptarët. Ky është momenti ynë i bashkimit dhe forcës politike,” ka shkruar Arbër Ademi në prag të tubimit.
Ky takim shihet si një shenjë e mobilizimit të strukturave partiake dhe qytetare në prag të proceseve të rëndësishme zgjedhore. Organizatorët theksojnë se pjesëmarrja e gjerë pritet të tregojë mbështetjen për një zë të fuqishëm shqiptar në institucionet vendimmarrëse.
