Myftiu i Tetovës, Dr. Selver ef. Xhemaili, me bashkëpunëtorë, sot në ambientet e Myftinisë priti Koordinatorin e Medresesë Isa Beu – Paralelja e Vajzave në Tetovë, Dr. Beqir ef. Memeti, bashkë me stafin e tij prej profesorëve dhe profesoreshave.
Gjatë kësaj vizite u bisedua për bashkëpunimin e ndërsjellë ndërmjet Myftinisë dhe Medresesë, si dhe për aktivitetet edukative e fetare që ndihmojnë në forcimin e vlerave morale dhe zhvillimin e brezit të ri, sidomos sektorit të gjinisë femërore.
Në fund të takimit, stafi i Medresesë i dëshiroi Myftiut dhe ekipit të tij shëndet dhe shumë suksese në punën e tyre fisnike në shërbim të fesë, atdheut dhe besimtarëve në përgjithësi.
