Sot, përfaqësueset e Forumit të Gruas së Aleancës Kombëtare për Integrim, së bashku me kandidatet për këshilltare, u pritën me ngrohtësi nga banorët, gratë dhe familjet e fshatit Sellcë.
Në kuadër të vizitës, ato shprehën respekt të veçantë për familjet e dëshmorëve dhe invalidëve të luftës, duke theksuar rolin e tyre të pazëvendësueshëm në historinë dhe qëndrueshmërinë e komunitetit.
“Gratë janë forca e qëndresës, shtylla e dinjitetit dhe zëri i tyre do të përfaqësohet fuqishëm në 4 vitet e ardhshme për Tetovën”, u theksua gjatë takimit.
Ky aktivitet ishte një mesazh i qartë për përfaqësimin e grave në vendimmarrje dhe për fuqizimin e tyre në jetën politike e shoqërore të komunës.
