Ambasada e Shteteve të bashkuara të Amerikës përmes një kumtimi në Facebook dërgoi urime me rastin e 8 Shtatorit – Ditës së pavarësisë së shtetit.
“Urime dita e pavarësisë! Ky vit është me rëndësi të posaçme sepse shënojmë edhe 30 vite marrëdhënie diplomatike mes vendeve tona. Gjatë tre dekadave, ndërtuam partneritet të fuqishëm – duke punuar së bashku në dip,omaci, siguri, arsim, kulturë dhe të tjera”, ceketnë kumtesën nga Ambasada e SHBA-së.
Nga Ambasada e cekin edhe urimin nga sekretari Amerikan i Shtetit, Marko Rubio, në të cilin thuhet se SHBA-ja mbetet e përkushtuar në thellimin e bashkëpunimit për përforcim të sigurisë kolektive dhe promovimit të prosperitetit.
“Në emër të Shteteve të Bashkuara të Amerikës, u dërgoj urime popullit të Maqedonisë së Veriut në ditën kur e festoni 34-vjetorin e pavarësisë suaj dhe 30-vjetorin e marrëdhënieve diplomatike mes dy popujve tanë. Shtetet e Bashkuara të Amerikës e çmojnë partneritetin e Maqedonisë së Veriut në avancimin e sigurisë dhe stabilitetit global. Si aleate e NATO-s e përkushtuar në mbrojtjen e paqes dhe lirisë, premtimi juaj për shpenzime të rritura për mbrojtjen në samitin e NATO-s këtë verë, e thekson përkushtimin e Maqedonisë së Veriut ndaj qëllimeve tpna të përbashkëta të sigurisë. Përderisa e shënojmë këtë pikë kthese në marrëdhëniet tona, Shtetet e bashkuara të Amerikës mbeten të përkushtuara në thellimin e bashkëpunimit tonë për përforcim të sigurisë kolektive, luftën kundër kanosjeve transnacionale dhe promovimin e prosperitetit që krijon vende të punës”, ceket në urimin e sekretarit amerikan të Shtetit, Marko Rubio.