Kandidati i BDI-së për kryetar të Komunës së Çairit, Bujar Osmani, ka zhvilluar një takim me banorët e lagjes Dizhon, ku u prit nga familja Doshlaku.
Osmani vlerësoi mikpritjen e çairasve, duke theksuar se ata gjithmonë kanë ditur të hapin dyert e shtëpive të tyre në momente të rëndësishme dhe historike për vendin dhe kombin.
“Këtë e ndjemë edhe sonte me mikëpritjen e familjes Doshlaku, ku ishim mbledhur për të na dhënë mbështetje dhe për të na treguar se po i bashkohen rezistencës ndaj keqmenaxhimit. Vetëm të bashkuar mund ta sjellim ndryshimin dhe t’u japim fund padrejtësive që i përjetojmë çdo ditë”, u shpreh Osmani.
Ai theksoi se uniteti i banorëve të Çairit është garancia më e madhe për një të ardhme më të mirë.
