Në vend që të angazhohet institucioni përkatës për higjienën e qytetit, Kasami dhe vartësit e tij mundohen që përmes aksioneve si ky i ditës së sotme, të fshehin përgjegjësinë e tyre institucionale dhe të sillen sikur janë pa funksione publike.
Për të qenë edhe më hipokrite situatata, në aksionin e sotëm kinse për pastrimin e shëtitores kanë marrë pjesë punëtorët, drejtorët dhe shumë administratorë të komunës së Tetovës.
Kryetari i Komunës dhe Drejtorët, kanë detyrë kushtetuese dhe institucionale të përkujdesen që institucionet që drejtojnë të japin shërbime cilësore ndaj qytetarëve. Qytetarët nuk kanë zgjedhur Kryetar që bën punën e pastruesit. Pastrimin e qytetit ka kush e bën, nëse Kryetari dhe Drejtorët e bëjnë punën ashtu siç duhet.
Tetova meriton kryetar që kujdeset për qytetin. Mjaft më me hipokrizi. 19 tetori është afër!
