Kandidati për kryetar të Komunës së Zhelinës, Emir Sulejmani, ka bërë të ditur një nga zotimet kryesore të programit të tij për zhvillimin e komunës dhe përkrahjen e të rinjve.
Sulejmani premton se çdo student që diplomon në drejtimet deficitare do të shpërblehet me 30.000 denarë nga Komuna e Zhelinës.
“Derisa disa merren me shpifje dhe fotosesione, ne së bashku me qytetarët po shkruajmë programën e ndryshimit. Ky investim është për rininë dhe për të ardhmen tonë,” ka theksuar Sulejmani.
Ky premtim synon të nxisë të rinjtë të ndjekin drejtimet që mungojnë në tregun e punës dhe të krijojë kushte më të mira për zhvillimin profesional në komunë.
