Myftinia e Tetovës njofton se nga sot Jonus ef. Tairi angazhohet udhëheqës-menaxhues në “Qendrën për Shërbime Fetare dhe Sociale” pranë BFI Myftinia Tetovë.
Jonus Tairi ka lindur më 02.01.1980, në qytetin e Tetovës dhe është i punësuar në Myftininë e Tetovës që nga viti 2006, si nënpunës fetar. Me përgjegjësi dhe përkushtim të madh ai ka kryer detyra të ndryshme, mes tyre detyrat e muezinit, mualimit dhe zëvendësimamit, vaizit në Xhaminë Muharemçe dhe më gjerë. Ku për më shumë se gati 20 vite ka shërbyer me devotshmëri dhe dashuri ndaj xhematit.
Përveç gjuhës shqipe, Jonus ef. Tairi zotëron edhe gjuhën boshnjake, turke si dhe ka njohuri të mira komunikimi në gjuhën arabe.
Me besim të plotë se përvoja dhe përkushtimi i tij do të shërbejnë në mënyrë profesionale dhe me përgjegjësi të lartë edhe në këtë funksion të ri, Myftinia e Tetovës i uron sukses në detyrën e tij të re.
