Kryetari i Bashkësisë Fetare Islame, Reisul Ulema H. Hfz. Shaqir ef. Fetahi, së bashku me Myftiun e Tetovës, Dr. Hfz. Selver ef. Xhemaili me operativën e tij dhe Myftiun e Gostivarit, H. Sabahudin ef. Zendeli, vizituan familjen e të ndjerit Besim Abdi në fshatin Strimnicë, Tetovë, për të shprehur ngushëllime dhe për të nderuar personalitetin e tij duke e lutur Zotin që ta pranoj në mëshirën e Tij.
Familja e të ndjerit i priti mysafirët me respekt, ndër të cilët ishin imami i fshatit, Hfz. Imer ef. Kamberi, kolegu i tij Zekirja ef. Kadri, si dhe familjarët e të ndjerit, hoxhallarët e respektuar Emshi ef. Abdullai dhe Rafis ef. Adili, së bashku me të tjerë familjarë.
Bashkësia Fetare Islame shpreh edhe njëherë ngushëllimet më të sinqerta për familjen Abdi, duke lutur që i ndjeri të shpërblehet me xhenet.
