Kryetari i Bashkësisë Fetare Islame të Republikës së Maqedonisë së Veriut, Reisul Ulema H. Hfz. Shaqir ef. Fetai, i shoqëruar nga drejtori i Medresesë Isa Beu, Dr. Islam Islami, mori pjesë në ceremoninë solemne të diplomimit në Universitetin Ndërkombëtar Ballkanik.
Pjesëmarrja e Reisul Ulemasë në këtë ngjarje të rëndësishme shënon një përkushtim të vazhdueshëm ndaj përkrahjes së dijes, edukimit dhe zhvillimit të brezave të rinj. Prania e tij i dha ceremonisë një dimension të veçantë shpirtëror dhe institucional, duke nënvizuar rëndësinë që ka arsimi për të ardhmen e shoqërisë.
Ishte një ditë frymëzuese, ku u pa qartë se brezi i ri po vjen me ambicie, por edhe me vetëdije të thellë se diploma nuk është një qëllim në vetvete, por një mjet për të ndërtuar të ardhmen – për veten, për shoqërinë dhe për vendin.
Urime të përzemërta për të gjithë të diplomuarit!
