Sot një vit u nda nga jeta veterani i Uçk-së Ilaz Ademi, (Lala Ilaz) nga fshati Sellcë i Tetovës.
Me këtë rast Komandanti i përgjithshëm i Uçk-së, Lideri i Bdi-së Ali Ahmeti i shoqëruar nga nënkryetari Bajram Rexhepi, sekretari i përgjithshëm Faton Ahmeti, komandanti i brigadës 112 Mujdin Aliu, Hazbi Lika dhe shum personalitete të tjera morën pjesë në inagurimin e Lapidarit për Lalën Ilaz tek vedprehja e tij.
“Fliste pak, por punonte shumë. E gjithë jeta e tij ishte në shërbim të të mirës së përbashkët dhe të çështjes kombëtare. Ishte atdhetar i devotshëm, mikpritës e zemërgjerë. Dera e tij ka qenë gjithmonë e hapur për njerëzit, për idealin, për lirinë”- ka theksuar Ahmeti.
Ja postimi i plotë:
Sot u bë një vit nga ndarja nga jeta e Ilaz Ademit (Lalës Ilaz), njeriut që u bë emblemë e fillimit të luftës së vitit 2001. Shtëpia e tij ishte shtabi i parë i Ushtrisë Çlirimtare Kombëtare, një vatër ku nisi organizimi për lirinë.
Ilaz Ademi ishte ndër të parët që u angazhua në përgatitjet për fillimin e luftës dhe një ndër të parët që iu bashkua UÇK-së, duke u shndërruar në simbol të kushtrimit për liri. Me përkushtimin dhe sakrificën e tij, ai jo vetëm kontriboi personalisht, por edhe frymëzoi shumë të rinj t’i bashkoheshin radhëve të Ushtrisë Çlirimtare Kombëtare.
Fliste pak, por punonte shumë. E gjithë jeta e tij ishte në shërbim të të mirës së përbashkët dhe të çështjes kombëtare. Ishte atdhetar i devotshëm, mikpritës e zemërgjerë. Dera e tij ka qenë gjithmonë e hapur për njerëzit, për idealin, për lirinë.
Sot nderuam jetën dhe veprën e tij me shpalosjen e një përkujtimoreje, si shenjë mirënjohjeje për atdhedashurinë, përkushtimin dhe kontributin e tij të jashtëzakonshëm për çështjen shqiptare.
Qoftë i përjetshëm kujtimi për Ilaz Ademin.
Lavdi jetës dhe veprës së tij!
