Sot në komunën e Ulqinit, konkretisht në kalimin kufitsar të Sukubinës dhe në Krruç është zhvilluar një protestë një orëshe, për të treguar se Ulqini dhe qytetarët e tij janë kundër Marrëveshjes dhe Investimeve të paralajmëruara në këtë formë.
Qytetarët, politika e Ulqinit dhe partitë politike janë bashkuar dhe dërguan një mesazh të fortë: “Ne nuk do ta lejojmë që toka jonë të shitet për 100 vjet,” tha kryetari i Komunës së Ulqinit, Genci Nimanbegu.
Pas bllokimit të rrugës, u shpërndanë fletushka për udhëtarët me një kërkim faljeje për situatën që ishte krijuar. Ai shtoi se ky veprim ishte kundër vullnetit të tyre.
“Përkundër kësaj, qytetarët, politika e Ulqinit dhe partitë politike kanë dërguar një mesazh të qartë dhe të bashkuar: ne nuk do ta lejojmë shitjen e vendit tonë për 100 vjet,” theksoi Nimanbegu.
Në pankartat që protestuesit mbanin në duar ndër të tjera shkruhej; “Nuk duam përparim që na mbyt” dhe “Qeverisë së Malit të Zi – Nuk jemi për shitje, përshëndetje për Alabaret – Me dashuri nga Ulqini.”
