Pusho në paqe, Xhaxhi Olloman
Me pikëllim të thellë mora lajmin për ndarjen nga jeta të mikut dhe njeriut të dashur, ish-deputetit dhe nënkryetarit të Kuvendit, Xhaxhi Olloman Sulejmani.
Ai ishte zë i guximshëm në një kohë kur shqiptarët kishin nevojë për përfaqësues të vendosur. Me dinjitet, urtësi dhe përkushtim, mbrojti të drejtat e popullit tonë në periudha të vështira. Në kujtesën time do të mbetesh përherë edhe për mbështetjen që i dhe luftës sonë çlirimtare të vitit 2001 – një akt që flet shumë për karakterin tënd.
Do të na mungojë fjala jote e qartë, buzëqeshja jote e ngrohtë dhe zemra jote e madhe.
Ngushëllime të sinqerta djalit tënd Ximi dhe gjithë familjes Sulejmani. U prehsh në paqen e përjetshme, Xhaxhi Olloman!
