Gjatë qëndrimit në Amerikë, kryetari i Kërçovës, Fatmir Dehari, ka qëndruar në shtetin Wisconsin, ku ka takuar mërgatën atje dhe ka falënderuar vëllezërit Mike e Hektor Sala.
Gjithmonë kënaqësi të bashkëbisedosh dhe të vendosësh llogaridhënien si parim kryesor, ka shkruar Dehari.
Postimi i plotë i tij:
Beloit, Wisconsin!
Thellësisht mirënjohës vëllezërve Mike dhe Hektor Sala për mikpritjen dhe nderin që na bënë neve kërçovarëve.
Mirënjohje pa fund për të gjithë të pranishmit – vëllezërit e mi kërçovarë – për mbështetjen dhe kontributin e palodhur që na kanë dhënë neve dhe vendlindjes sonë.
Në një ambient kaq të mrekullueshëm, mbrëmë bashkëbiseduam për Kërçovën tonë dhe për situatën politike në Maqedoninë e Veriut.
Gjithmonë kënaqësi të bashkëbisedosh dhe të vendosësh llogaridhënien si parim kryesor!
Faleminderit nga zemra!
