Shoqata ” Jehona e Malësisë” në Michigan më 29 mars për të dytën herë me radhë organizon festën “Albanian Daddy/Daughter Dance – Mbrëmje Vallëzimi për Babë e Bijë”.
Atmosfera e mrekullueshme vitin e kaluar , njëherit dhe pjesëmarja masovike e komunitetit shqiptarë në këtë event kan qenë shtytësit e kësaj shoqate që të organizoj këtë festë për të dytën herë me radhë.
“Vallëzimi i baballarëve me vajzat e tyre, i shoqëruar me këngë shqiptare, është një promovim i vlerave tona kombëtare dhe një simbol i një të ardhmeje të ndritur”- kanë shkruar në postimin e shoqatës ” Jehona e Malësisë”
Ja postimi plotë:
Me kënaqësi ju njoftojmë se më 29 Mars do të organizojmë për të dytin vit radhazi “Albanian Daddy/Daughter Dance – Mbrëmje Vallëzimi për Babë e Bijë”.
Vitin e kaluar, atmosfera e mrekullueshme dhe pjesëmarrja e madhe nga komuniteti ynë shqiptar e bënë këtë event të paharrueshëm. Kjo na motivoi ta rikthejmë përsëri këtë vit.
Vallëzimi i baballarëve me vajzat e tyre, i shoqëruar me këngë shqiptare, është një promovim i vlerave tona kombëtare dhe një simbol i një të ardhmeje të ndritur.
Ju ftojmë të regjistroheni dhe të festojmë së bashku! Kur jemi bashkë, çdo festë është më e bukur.
Mirë se vini! 