Kryetari i komunës së Drenasit, priti në takim, ministrin e Drejtësisë së Shqipërisë, Ulsi Manja dhe kryetarin e Bashkisë së Lezhës, Pjerin Ndreu.
Pas diskutimit për çështjet e aktualitetit politik, këmbyem përvoja për zhvillimin lokal, arritjet, synimet dhe sfidat që e përcjellin atë, ka deklaruar Lladrovci.
Postimi i plotë i Lladrovcit në rrjetin social:
Me nderim e kënaqësi, prita në takim dy miq, dy personalitete të shquara të jetës publike e politike të Shqipërisë, ministrin e Drejtësisë, z. Ulsi Manja dhe kryetarin e Bashkisë së Lezhës, z. Pjerin Ndreun.
Pas diskutimit për çështjet e aktualitetit politik, këmbyem përvoja për zhvillimin lokal, arritjet, synimet dhe sfidat që e përcjellin atë.
Bashkia e Lezhës është tashmë destinacion i parapëlqyer për qytetarët tanë dhe zhvillimi i qytetit emblematik të Besëlidhjes, është shumë i mirëpritur dhe i jep hov iniciativave të ndryshme për thellimin e bashkëpunimit.
Projektet infrastrukturore e përmirësojnë cilësinë e jetës së qytetarëve dhe është sfidë që na preokupon të gjithëve.
Në shenjë nderimi për vizitën, ministrit Manja dhe kryetarit Ndreu, ua dhurova librin e Bedri Islamit, kushtuar heroit e heroinës, Fehmi e Xhevë Lladrovci, “Përjetësia e dyfishtë”.
Faleminderit miq!
https://www.facebook.com/1653723698/posts/pfbid02BXaVhvEwg8h1WJLvQKaHKyhMHjhbo4SUxLTsddwdwE1hhsVWvHfiuBioy41GZDytl/?mibextid=wwXIfr
