Kryetari i Komunës së Kërçovës, Fatmir Dehari sot ka marë pjesë në manifestimin tradicional ” Pranvera e Dinjitetit” në fshatin Sellcë, për të shënuar përvjetorin e 24, të 14 Marsit ditën kur nisi lufta e UÇK-së
Amaneti i dëshmorëve na obligon të qëndrojmë të bashkuar dhe të punojmë për një të ardhme më të ndritur, ka shkruar Dehari.
Postimi i tij në fb:
Sot të mbledhur në Sellcë të Tetovës për të kujtuar një nga momentet më të rëndësishme të historisë sonë të lavdishme – 14 marsin, ditën kur nisi lufta e UÇK-së në këtë trevë krenare.
Kjo ditë simbolizon sakrificën, guximin dhe përkushtimin e atyre që dhanë gjithçka për lirinë dhe dinjitetin tonë kombëtar.
Në këtë vend të shenjtë, ku u shkrua historia me gjakun e dëshmorëve, përulemi me respekt të thellë dhe zotohemi se amaneti i tyre do të mbetet i gjallë përjetësisht.
Amaneti i dëshmorëve na obligon të qëndrojmë të bashkuar dhe të punojmë për një të ardhme më të ndritur.
Lavdi dëshmorëve të kombit!
