Drejtoria e Vakëfit pranë Bashkësisë Fetare Islame të Republikës së Maqedonisë së Veriut priti në zyrën e tij Besim Hoda, Fatmir Muja dhe Bekri Ajdini.
Drejtori i Vakëfeve, Mr. Fehmi Ebibi, i informoi mysafirët mbi aktivitetet , aktualitetet dhe sfidat që përballet sektori i vakëfeve në vend. Gjatë takimit, mysafyrët shprehën mbështetje të plotë për punën e Drejtorisë së Vakëfit dhe theksuan gatishmërinë e tyre për të ndihmuar dhe këshilluar në interes të vakëfit dhe besimtarëve myslimanë në RMV.
Në këtë takim u nënvizua rëndësia e ruajtjes dhe menaxhimit të duhur të pronave të vakëfit si një trashëgimi me vlerë të madhe për komunitetin mysliman. Pjesëmarrësit theksuan se bashkëpunimi dhe angazhimi i vazhdueshëm janë kyç për zhvillimin dhe mbrojtjen e vakëfeve në të ardhmen.