Kreu i Odës Ekonomike të Maqedonisë Veri – Perëndimore dhe biznesmeni, Mendi Qyra në emisionin Klan Debat ka theksuar se Qeveria, kompanitë, Sindikatat, universitetet, mediat, gjithë bashkë duhet të kontribojnë bashkë për rritje të rrogave që të bindet qytetari i vendit tonë se edhe këtu jetohet.
“Pra mos të lakmojnë në vendet Evropiane, si Gjermania e Zvicra. Edhe ju mediat dhe portalet një lajm të del se në Gjermani kërkohet punëtor menjëher e bëjni të madhe, pra duhet të rritet paga që të bindet edhe qytetari i thjeshtë se edhe në Maqedoni fitohet si në Gjermani”, theksoi Qyra.
Sipas tij, paga minimale duhet të rritet 500 euro por të ulen kontributet.
“Paga minimale duhet të rritet 500 euro por kontributet të ulen që të jetë më leht edhe për kompanitë por edhe punëtorët. Sepse Maqedonia e Veriut ka kontributet më të larta në rajon për rrogë 1000 euro paguhet 52% kontribute” – tha Qyra.