Shefi i grupit parlamentar të Frontit Europian, Blerim Bexheti në seancën e pyetjeve të deputetëve iu drejtuar kryeministrit Hristijan Mickoski me pyetjen se çfarë mekanizmi ka gjetur për partnerin e koalicionit VLEN, që sipas Bexhetit, po i ndërrojnë fjalët publike, përcjell TV21. Kjo pyetje e bexhetit ndaj Mickoskit erdhi pasi paraprakisht, ministri për Çështje Evropiane, Orhan Murtezani tha se koalicioni VLEN nuk e kërcënon partnerin e koalicionit VMRO-DPMNE dhe se askund nuk ka deklaruar që VLEN do ta lëshojë qeverinë në rast se nuk realizohen ndryshimet kushtetuese deri në fund të këtij viti.
“Çfarë mekanizmi keni gjetur për ata që gjithë fjalët e thëna publike, po i ndërrojnë. Nuk dua të përsëritem, kolegu paraprak, unë pa ditur se çfarë pyetje do të parashtrojë, i tha disa çështje për ndryshimet kushtetuese”, tha mes tjerash Bexheti.
