Bashkimi Demokratik për Integrim tha se, dënon përpjekjet e qeverisë për të imponuar frymën anti-Ohër nëpërmjet propozimeve ligjore, përcjell TV21. Dijana Toska nga BDI tha se, ndryshimet e propozuara në ligjin për arsimin e mesëm përbëjnë një sulm të hapur ndaj themeleve të barazisë ndëretnike dhe një përpjekje për të vendosur dominim etni
“BDI dënon me ashpërsi përpjekjet e vazhdueshme të qeverisë për të imponuar frymën anti-Ohër nëpërmjet propozimeve ligjore që synojnë krijimin e supremacisë etnike dhe minimin e barazisë multi-etnike, që është thelbësore për stabilitetin dhe ardhmërinë e Maqedonisë së Veriut. Ndryshimet e propozuara në ligjin për arsimin e mesëm, të cilat ndër të tjera parashikojnë:
– Përdorimin asimetrik të gjuhës dhe alfabetit në në dokumentet pedagogjike,
– Zhvillimin e aktiviteteve kulturore vetëm në frymën e traditës maqedonase dhe historisë nacionale, duke margjinalizuar kulturën dhe kontributin e komuniteteve të tjera etnike në vend.
– Paragrafët që përjashtojnë identitetin multi-etnik në shkollat e mesme dhe promovojnë një dominim të një narrative të njëanshme etnike, duke shkelur barazinë e garantuar nga Marrëveshja e Ohrit dhe Kushtetuta.
Këto dispozita përbëjnë një sulm të hapur ndaj themeleve të barazisë ndëretnike dhe një përpjekje për të vendosur dominim etnik, që bie ndesh me frymën dhe qëllimin e Marrëveshjes së Ohrit. Në vend që të promovojë bashkëjetesën dhe përfshirjen, qeveria po nxit përçarje dhe pasiguri në shoqërinë tonë”, tha Dijana Toska.
