Deputet të grupit parlamentarë nga Maqedonia e Veriut kan zhvilluar takim të rëndësishëm me komisionin për siguri kombëtare të Parlamentit të Shqipërisë.
Këtë e bën të ditur deputeti i BDI-së Blerim Bexheti i cili thekson se qëllimi i këtij takimi është forcimi i bashkëpunimit dhe shkëmbimi i përvojave në fushën e sigurisë dhe mbrojtjes kombëtare.
“Gjatë diskutimeve, të dy palët theksuan rëndësinë e bashkëpunimit rajonal për të adresuar sfidat e përbashkëta”- ka shkruar Bexheti.
Ja postimi i plotë:
Sot, u zhvillua një takim i rëndësishëm ndërmjet grupit parlamentar nga Maqedonia e Veriut dhe Komisionit për Siguri Kombëtare të Parlamentit të Shqipërisë. Ky takim kishte për qëllim forcimin e bashkëpunimit dhe shkëmbimin e përvojave në fushën e sigurisë dhe mbrojtjes kombëtare.
Gjatë diskutimeve, të dy palët theksuan rëndësinë e bashkëpunimit rajonal për të adresuar sfidat e përbashkëta. Pjesëmarrësit diskutuan edhe për rëndësinë e integrimit të të rinjve në proceset e sigurisë dhe nevojën për edukim dhe trajnime të vazhdueshme për profesionistët e fushës. Bashkëpunimi në këtë drejtim do të ndihmojë në krijimin e një ambienti më të sigurt dhe stabil në rajon.
