Vitrina e botimeve
Në kuadër të veprimtarisë botuese të Rijasetit të BFI-së, ditë më parë doli nga shtypi Takvimi për vitin 2025/ 1446-1447 H. Edhe kësaj radhe sipas praktikës së deritashme, Takvimi është i përpiluar në format xhepi, me 128 faqe.
Takvimi si botim vjetor ka rëndësi të madhe sepse besimtarëve u ofron orarin e saktë të faljeve të namazeve ditore gjatë tërë vitit si dhe u ofron informacione të sakta për fillimin e agjërimit, informacione të sakta për festat fetare për ditët dhe netët e bekuara gjatë vitit 2025. Pikërisht për rolin që ka Takvimi, ai është i mirëpritur për të gjithë xhematet e vendit tonë.
Pos rubrikës kalendarike, në Takvimin e vitit 2025, janë të botuara disa punime me tematikë fetare, nga të cilat veçojmë: “Fjala e Reisul-Ulemasë me rastin e Manifestimit “Mirë se erdhe ja Resulallah”; “Ngadalë po rrëshqasim drejt zjarrit”; “Relacioni i besimit me vendosmërinë dhe reflektimet e saj në jetën e njeriut”; “Mënyra e faljeve të namazeve”; “Pse duhet të falemi” etj.
Me rastin e katërdhjetëvjetorit të Medresesë në kopertinën e parë të Takvimit është godina e SHMI “Medreseja Isa Beu” Shkup, ndërsa në kopertinën e pasme janë godinat e paraleleve të shtrira, Shtip, Shkup, Tetovë dhe Gostivar.
