Deputeti i BDI-së, Blerim Bexheti, ka goditur fort mosmbajtjen e premtimeve nga VLEN.
“Do mbyllim kazinot”, asnjë kazino e mbyllur!Madje nuk votuan ligjin për mbyllje të kazinove të propozuar në Kuvend”, ka shkruar Bexheti.
Postimi i plotë i Bexhetit:
Si duket me të vërtetë S’VLEN asnjë premtim, asnjë fjalë që than dhe dhan!
“Do mbyllim kazinot”, asnjë kazino e mbyllur!Madje nuk votuan ligjin për mbyllje të kazinove të propozuar në Kuvend!
“Do avancojmë përfaqësimin e shqiptarëve”, heqën balansuesin si mehanizëm për përfaqësim të drejtë, madje edhe ndaluan deklarimin e përfaqësisë etnike!
“Do t’i përfaqësojmë në mënyrë adekuate shqiptarët“, sipas partnerit të tyre “humbën” 75% të pozitave të deritanishme!
Kritikonin se gjuha shqipe nuk është plotësisht e barabartë dhe se ata do ta bënin plotësisht zyrtare, në fund po del se janë “dorëzuar“ dhe do abrogojn (anulojnë) “disa nene” të Ligjit për përdorimin e gjuhës shqipe.
Dhe në fund …. Do të bënin departizimin e gjyqësorit dhe jurisprudencës, e pamë sot së si do ta bëjnë këtë!
Me propozimin e anëtarëve më të “zjartë” partiak!
Me propozimin e anëtarit të partisë së Izet Mexhitit, Ardian Demiri!
Nëse kjo është “departizim” atëherë me të vërtetë NUK JA VLEN!