Gjuetia politike e shtrigave disavjeçare dështoi dhe ngadhënjeu e vërteta, gjithmonë në të mirën e qytetarëve, thonë nga BDI në reagimin e tyre të sotëm për projektin e Korridorit 8, përcjell TV21. Integristët thonë se Qeveria VMRO-VLEN e pranoi projektin paraprak që e kritikonte, ndërsa apelojnë që aksi Gostivar-Bukojçan të ketë tunel, dhe mos të ndërtohet me rrugë malore.
“Bashkimi Demokratik për Integrim (BDI) konstaton që reterimi i tërësishëm i Qeverisë pa legjitimitet etnik konfirmoi në tërësi pastërtinë e projektit të Korridorit 8 dhe të veprimeve të qeverisë së kaluar. Për dy vite me radhë, VMRO dhe VLEN e kundërshtonin dhe pengonin projektin, u zotuan që do ta anulojnë, por, pa ndryshuar asnjë pikë as presje as në kontratë e as në çmim, e pranuan, e vazhduan, e quajtën të arritur historike dhe u munduan që ta përvetësojnë. Qytetarët e dinë se ky projekt është ideuar, projektuar, negociuar, firmosur, është vënë gurthemeli dhe kanë nisur punimet në kohën e Qeverisë 2020-2024. Hapi vijues është që Qeveria tash të rikthen vendimin që aksi nga Gostivari deri në Bukojçan të realizohet me tunel e jo me autostradë malore, sepse tuneli është opsioni më i mirë dhe më racional për këtë pjesë të korridorit”, thuhet ems tjerash në reagimin e BDi-së./tv21.tv
