Sot më datë 06.10.2024 (e diell), në Xhaminë e Re të Pallçishtit të Poshtëm – Tetovë u realizua solemnitet fetar me rastin e përfundimit të leximit të Kur’anit Fisnik-hatme nga nxënësit e mektebit që e ndjekin mësimbesimin fetar në këtë xhami, tek mualimi Gzim ef. Sulejmani.
Në këtë manifestim përpos xhematit, familjarëve, hoxhallarëve dhe mysafirëve të shumtë mori pjesë Myftiu i Tetovës Dr.Hfz. Selver Xhemaili me bashkëpunëtorët e tij, sekretari gjeneral i BFI-së H. Irsal Jakupi i cili në emër të Reisul Ulemasë H. Hfz. Shaqir ef. Fetai i përshëndeti të pranishmit.
Në fjalën e tij, Myftiu përshëndeti të pranishmit si dhe theksoi rëndësinë e mësimit dhe edukimit fetar që zhvillohet në mekteb. Ai uroi nëxënësit, familjarët, këshillin e xhamisë dhe në veçanti mualimin Gzim Sulejmani për punën e bërë dhe për suksesin e arritur.
Duanë e hatmes e bëri imami Sadri ef. Iljazi Programin e moderoi Semir ef. Fazliji.
Në fund të programit, mualimit Gzim ef. Sulejmanit iu dhurua plaketë si dhe u bë shpërndarja e diplomave nga ana e Myftiut për 17 nxënësit që kishin kryer leximin e Kuranit Fisnik (hatme).
