Lëvizja Demokratike ka njoftuar se radhëve të kësaj partie i është bashkuar, kryeshefi i repartit të urologjisë në Spitalin Klinik të Tetovës, dr. Erzen Elezi – Kirurg-urolog dhe njëkohësisht këshilltar në Këshillin Komunal të Komunës së Tearcës.
Më poshtë mund ta lexoni të plotë njoftimin e LD-së.
Të dashur qytetarë,
Të nderuar aktivistë të Lëvizjes Demokratike,
Me kënaqësi Ju njoftojmë që në rradhët e Lëvizjes Demokratike na shtohet një person me virtyte të larta dhe profesional në veprimtarinë që e ushtron.
Bëhet fjalë për Kryeshefin e repartit të urologjisë në Spitalin Klinik të Tetovës, dr. Erzen Elezi – Kirurg-urolog dhe njëkohësisht këshilltarë në Këshillin Komunal të Komunës së Tearcës.
Doktor Erzenit i urojmë mirëseardhje dhe shumë suksese në këtë rrugëtim.
