Sot më datë 03.08.2024 (e shtunë), në Xhaminë e fsh. Brodec-Tetovë u realizua solemnitet fetar me rastin e përfundimit të leximit të Kur’anit Fisnik-hatme nga nxënësit e mektebit që e ndjekin mësimbesimin fetar në këtë xhami, tek mualimi Besmir ef. Fetahi.
Këtë manifestim përpos xhematit, familjarëve, hoxhallarëve dhe mysafirëve të shumtë e nderoi edhe Myftiu i Tetovës Dr.Hfz. Selver Xhemaili me bashkëpunëtorët e tij.
Në fjalën e tij, Myftiu përshëndeti të pranishmit si dhe theksoi rëndësinë e mësimit dhe edukimit fetar që zhvillohet në mekteb. Ai uroi nëxënësit, familjarët, këshillin e xhamisë dhe në veçanti mualimin Besmir ef. Fetahi për punën e bërë dhe për suksesin e arritur.
Duanë e hatmes e bëri drejtori i sektorit të kulturës pranë Rijasetit Mr. Musanif ef. Rufati ndërsa referenti i Myftinisë Idris ef. Idrizi priu në namazin e drekës. Programin e moderoi Semir ef. Fazliji.
Në fund të programit, mualimit Besmir. ef. Fetahit iu dhurua plaketë si dhe u bë shpërndarja e diplomave nga ana e Myftiut për 12 nxënësit që kishin kryer leximin e Kuranit Fisnik (hatme).
