Me një ceremoni ushtarake në kazermën “Ilinden” në Shkup sot do të shënohet Dita e bazës logjistike.
Në ceremoninë e njësisë më të lartë në sferën e logjistikës në Armatë do të marrin pjesë shefi i Shtatmadhorisë, gjeneral-koloneli Vasko Gjurçinovski, zëvendësministri i Mbrojtjes Tiron Jajaga, gjeneralë të armatës, përfaqësues nga Ministria e Mbrojtjes dhe Shtatmadhoria, komandantët e komandave dhe njësive të armatës dhe të ftuar të tjerë.
Dita e njësisë, sipas programit, do të shënohet me fjalimet përkatëse dhe dhënien e masave stimuluese për pjesëtarët e njësisë.
Baza e logjistikës feston 20 majin në kujtim të ditës kur filloi kryengritja e Razllovcit në vitin 1876 dhe përgatitjet e para logjistike për fillimin e saj.
