Pas lajmeve të cilat po qarkullojnë në media lidhur me ndarjen e resoreve në Qeveri në mes të VMRO dhe VLEN, burime brenda kësaj të fundit për Agjencinë e lajmeve Zhurnal bëjnë të ditur se bisedimet për asnjë resor ende nuk kanë filluar me VMRO-në për formimin e Qeverisë së re.
Madje, të njejtat burime shtojnë se nesër pritet që të realizohet edhe takimi i parë mes VMRO dhe VLEN ku do të flitet për temën e qeverisjes eventuale, e këtë e konfirmoi sonte edhe nënkryetari i VMRO, Timco Muncunski i cili tha se nesër pritet takim mes të dyja palëve.
Ndërkohë, burimet shtojnë se në takimin e parë që pritet të ndodh nesër temë e diskutimit do të jetë ndarja e resorëve ku VLEN do të presë ofertën e VMRO dhe më pas e njejta do të shqyrtohet edhe nga kreu i VLEN.
Vlen thekson për Zhurnal se sigurisht edhe ata do të kenë kërkesat e tyre për resoret të cilët do dëshirojnë që të i udhëheqin në Qeverinë e re, e mes tyre sipas informacioneve edhe pozitën e kryetarit të Kuvendit.
Burimet për Zhurnal thonë se nga nesër të gjitha opsionet do të janë në tavolin për negociata.
