Kryetari i Kuvendit të Republikës së Maqedonisë së Veriut, Jovan Mitreski, në koordinimin e rregullt të sotëm, ku marrin pjesë edhe koordinatorët e grupeve parlamentare, e ngriti çështjen e problemit me lejet për vozitje dhe theksoi nevojën që Kuvendi të marrë masa urgjente, për të tejkaluar situatën e krijuar nga zbatimi i Marrëveshjes së Prespës.
Ai theksoi se ka njoftime se grupet parlamentare do të paraqesin propozime të ndryshme për ndryshime ligjore, prandaj theksoi se grupet parlamentare duhet të veprojnë në mënyrë të koordinuar që të arrihet zgjidhja më e shpejtë dhe më e mirë, e cila do të jetë në interes të qytetarëve, dhe që në të njëjtën kohë nuk do të dëmtojë respektimin e akteve juridike ndërkombëtare për të cilat RMV si shtet është angazhuar.
